სახანძრო უსაფრთხოების წესების ტექნიკური რეგლამენტის თანახმად, ადამიანების თავშეყრის ადგილებში, თვალსაჩინო ადგილას უნდა იყოს გამოკრული საევაკუაციო გეგმა. ის აგრეთვე სავალდებულოა ოფისებში, სადაც ათი და მეტი ადამიანი მუშაობს, ან მუდმივად იმყოფებიან შეზღუდული შესაძლებლობის მქონე პირები.
გეგმის შედგენის წესი მკაცრადაა განსაზღვრული. მისი მომზადებისათვის აუცილებელია მომზადდეს შენობის, ან მისი ნაწილის შიდა აზომვითი ნახაზი. დადგინდეს ნაგებობის მზიდი კედლები, კიბის უჯრედები, გასასვლელები და სხვა. აქედან გამომომდინარე, ნახაზი უნდა მომზადდეს შესაბამისი ცოდნის მქონე სპეციალისტის მიერ. გეგმის არასწორმა შედგენამ, შეიძლება საფრთხე შეუქმნას ადამიანების სიცოცხლეს.