მიწის აზომვა ტექნიკური  სამუშაოა და სპეციალისტის მომსახურებას საჭიროებს. მისი დასრულების შემდეგ, გადმოგეცემათ აზომვითი ნახაზის ქაღალდზე ამობეჭდილი და ელექტრონული ვერსია (CD დისკზე ჩაწერილი). ნახაზი გესაჭიროებათ საჯარო რეესტრში მიწის ნაკვეთის პირველადი რეგისტრაციისას. ასევე, უკვე რეგისტრირებული ნაკვეთის დაყოფის, გაერთიანების, ან მდებარეობის დაზუსტების შემთხვევაში. უნდა გავითვალისწინოთ, რომ მის მომზადებას და შევსებას დადგენილი სტანდარტი აქვს და დარღვევით შესრულება, რეგისტრაციის შეჩერების საფუძველი შეიძლება გახდეს. 

აზომვით ნახაზი გესაჭირეობათ აგრეთვე, პრივატიზების პროცესში მონაწილეობის მისაღებად, ეკონომიკის სამინისტროში, ან ადგილობრივ მუნიციპალიტეტში  წარსადგენად. 

გაითვალისწინეთ, რომ ნახაზის მომზადებას წინ უნდა უსწრებდეს აზომვითი სამუშაო. ის სრულდება შესაბამის ტექნიკური აღჭურვილობით და აუცილებლად ადგილზე მისვლით. წინააღმდეგ შემთხვევაში, თქვენ მიიღებთ არაზუსტი მონაცემებით მომზადებულ პროდუქტს, რამაც შესაძლოა ხანგრძლივი სამეზობლო დავები გამოიწვიოს. ასევე, სამუშაოს ღირებულებაში მნიშვნელოვანი წილი აქვს ტრანსპორტის ხარჯებს, რაც აუცილებელია მიწის ნაკვეთამდე გადასაადგილებლად. თუ თქვენ, თავად მოახდენთ სპეციალისტის გადაყვანას, შემოთავაზებული თანხა ნაკლები იქნება.