იმ შემთხვევაში, თუ მესაკუთრეს სურს, უკვე რეგისტრირებული უძრავი ქონების (ბინის, მიწის ნაკვეთის, სარდაფის, კომერციული ფართის და ა. შ) დაყოფა, საჯარო რეესტრის ეროვნული სააგენტოში უნდა წარადგინოს დაყოფის ამსახველი სქემატური ნახაზი, სადაც სხვადასხვა ფერით იქნება მონიშნული დასაყოფი ერთეულები. აზომვითი ნახაზი (ქაღალდის და ელექტრონული ვერსია), უნდა იყოს იმდენი ერთეული, რამდენადაც უძრავი ქონება იყოფა. უნდა გაითვალისწინოთ ის ფაქტი, რომ ნახაზი ჯერ უნდა შეუთანხმოთ თვითმმართველ ორგანოს - მუნიციპალიტეტს. ბინის, კომერციული ფართის დაყოფა/გაერთიანების შემთხვევაში, თვითმმართველობით ორგანოში წარდგენამდე, ესაჭიროება სერთიფიცირებული ექსპერტის დასკვნა, რომ ცვლილება არ წარმოადგენს საფრთხეს მთლიანი შენობისათვის.
გაერთიანების შემთხვევაში მზადდება ერთი აზომვითი ნახაზი, უკვე ახალი კონფიგურაციით და მიეთითება გასაერთიანებელი ნაკვეთების საკადასტრო კოდები.
უნდა გავითვალისწინოთ, რომ სამუშაო უნდა განხორციელდეს სპეციალისტის მიერ. ასევე, სამუშაოს ღირებულებაში მნიშვნელოვანი წილი აქვს ტრანსპორტის ხარჯებს, რაც აუცილებელია, უძრავი ქონების მონაცემების ადგილზე გადასამოწმებლად. თუ თქვენ, თავად მოახდენთ სპეციალისტის გადაყვანას, შემოთავაზებული თანხა ნაკლები იქნება.